അസാപ് കേരളയും ഓട്ടോമോട്ടീവ് റിസർച്ച് അസോസിയേഷൻ ഓഫ് ഇന്ത്യയുമായി (എ.ആർ.എ.ഐ)  ധാരണാപത്രം ഒപ്പുവെച്ചു. ഓട്ടോമോട്ടീവ്, മെക്കാനിക്കൽ ബിരുദധാരികൾക്ക് XEV സാങ്കേതികവിദ്യയിൽ (ഇലക്‌ട്രിക് വാഹനങ്ങൾ) ഒരു മാസത്തെ വെർച്വൽ ഇന്റേൺഷിപ്പ് പ്രോഗ്രാമിനായാണ്  ധാരണയായത്.

അസാപ് കേരള; സി.ഇ.ഒ ഇൻ ചാർജ്, അൻവർ ഹുസൈനും ,  ARAI ഡയറക്ടർ ഡോ. റെജി മത്തായിയും തമ്മിൽ അസാപ് കേരള ചെയർപേഴ്സണും മാനേജിംഗ് ഡയറക്ടറുമായ ഡോ. ഉഷാ ടൈറ്റസിന്റെ സാന്നിധ്യത്തിലാണ്  ധാരണാപത്രം ഒപ്പുവെച്ചത്  ശ്രീമതി മേധാ ജംഭാലെ, CoE  എ.ആർ.എ.ഐ ഡെപ്യൂട്ടി ഡയറക്ടർ; ടെക്‌നോളജി ഗ്രൂപ്പിന്റെ ചുമതലയുള്ള ഡെപ്യൂട്ടി ഡയറക്ടർ-ഉജ്ജ്വല കാർലെ; കൂടാതെ അസാപ് കേരള ഡിവിഷൻ മേധാവികളും പങ്കെടുത്തു.

വാഹന പരിശോധനയിൽ സെന്റർ ഓഫ് എക്‌സലൻസിനായി ഒരു അസോസിയേഷന്റെ സാധ്യതയും ഓട്ടോമോട്ടീവ് മേഖലയിലെ നൈപുണ്യ കോഴ്‌സുകളുടെ വികസനവും യോഗം ചർച്ച ചെയ്തു.